Cyngor Sir Ynys Môn

Gofal plant Llywodraeth Cymru i bob plentyn dwy oed

Mae Llywodraeth Cymru wedi ymrwymo i ddarparu gofal plant i bob plentyn 2 oed.

Mae rhan gofal plant rhaglen Dechrau'n Deg a ariennir gan Lywodraeth Cymru yn ehangu drwy ddull cam wrth gam. Ar hyn o bryd, dim ond rhai ardaloedd ar Ynys Môn sy’n rhan o’r cynnig gofal plant hwn.

Mae lleoliadau ar Ynys Môn sy’n darparu gofal plant i blant 2 oed yn cael eu cefnogi i ddarparu gofal plant o ansawdd uchel. Mae trefniadau cadarn ar waith i gefnogi plant rhwng y cartref a’r lleoliad gofal plant ac o ofal plant i addysg gynnar.

Beth all eich plentyn ei ddisgwyl

Gallwch gael gofal plant am ddim i’ch plentyn am 2½ awr y dydd, 5 diwrnod yr wythnos yn ystod tymhorau ysgol. Mae hyn yn para am 39 wythnos y flwyddyn.

Gall eich plentyn ddechrau’r tymor ar ôl troi’n 2 oed, ac mae’n dod i ben y tymor ar ôl troi’n 3 oed. Rhaid i’r gofal plant fod mewn lleoliad sydd wedi’i gymeradwyo i ofalu am blant 2 oed yn eich ardal leol.

Gwiriwch os ydych yn gymwys

Defnyddiwch y gwiriwr cod post i weld a ydych yn gymwys i gael gofal plant am ddim i blant 2 i 3 oed.

Os ydych yn gymwys, gofynnir i chi lenwi cais a darparu tystiolaeth.

Bydd eich cais yn cael ei benderfynu o fewn 10 diwrnod gwaith a byddwch yn cael cadarnhad o gymhwysedd eich plentyn y mae’n rhaid i chi ei ddangos i’r lleoliad gofal plant o’ch dewis.

Fel rhiant neu ofalwr, gallwch ddewis lleoliad o fewn eich ardal leol. Rhaid i hyn fod o fewn 15 munud o gerdded o’ch cyfeiriad cymwys.

Mae eich plentyn yn gymwys i ddechrau lleoliad a ariennir y tymor ar ôl ei ben-blwydd yn 2 oed.

Dyma ddyddiadau tymor ysgol Ynys Môn.

Ni ellir ôl-ddyddio ceisiadau hwyr.

Os ydych yn gymwys i gael gofal plant yn eich ardal, ac os caiff eich cais ei gymeradwyo, nodwch mai cyfrifoldeb y sawl sy’n gwneud y cais yw cysylltu â’ch lleoliad lleol i gofrestru eich plentyn ar gyfer gofal plant.