Cyngor Sir Ynys Môn

Rydym wedi gwneud newid bach i'r ffordd rydych chi'n mewngofnodi i'ch 'Fy Nghyfrif Môn'.

Rydym wedi gwella ein system fewngofnodi i wneud y broses yn fwy diogel. Does dim angen poeni, gan y bydd eich cyfrif a'ch gwybodaeth bersonol yn parhau i fod yn ddiogel ac yn hygyrch.

Beth welwch chi

Y prif wahaniaeth y bydd y rhan fwyaf o ddefnyddwyr yn ei weld yw newid bach i'r cyfeiriad gwe (URL) a ddefnyddir yn ystod y broses fewngofnodi.

Beth sydd angen i chi ei wneud

Mae'n debygol na fydd angen i chi wneud dim byd.

Fodd bynnag, efallai y gofynnir i chi greu cyfrinair newydd y tro nesaf y byddwch yn mewngofnodi, os nad yw eich cyfrinair presennol yn bodloni ein gofynion cyfrinair.

Rhaid i'ch cyfrinair fod o leiaf 8 nod o hyd a chynnwys 3 o'r canlynol:

• llythyren fach
• llythyren fawr
• rhif (0-9)
• symbol

Unwaith y byddwch yn mewngofnodi, gallwch barhau i ddefnyddio eich cyfrif fel arfer.

Creu cyfrif

• Ewch i’r tudalen Fy Nghyfrif Môn.
• Dilynwch y ddolen ‘Cofrestru’.
• Rhowch y cyfeiriad e-bost yr ydych isiau ei ddefnyddio. Dyma fydd eich enw defnyddiwr.
• Crëwch gyfrinair; bydd rhaid iddo gwrdd â’r gofynion cyfrinair.
• Wedyn defnyddiwch y botwm ‘Cyflwyno’ i greu’r cyfrif.

Actifadu’r cyfrif

• Yna byddwch yn cael neges yn dweud y bydd angen i chi wirio pwy ydych chi trwy fynd i'ch cyfrif e-bost.
• Byddwch yn cael e-bost dwyieithog yn gofyn ichi actifadu eich cyfrif.
• Bydd y ddolen actifadu yn yr e-bost yn mynd â chi i Fy Nghyfrif Môn.
• Rhowch eich enw defnyddiwr (eich cyfeiriad e-bost) a'r cyfrinair a ddefnyddiwyd gennych i gofrestru a mewngofnodi.

Creu eich proffil

• Cwblhewch fanylion eich proffil drwy ychwanegu eich enw, manylion cyswllt a chyfeiriad, ac yna defnyddiwch y botwm ‘Cyflwyno’ i gadw’r manylion hyn.

Yna byddwch yn cael eich tywys i'ch tudalen gartref newydd.

• Ewch i dudalen we Fy Nghyfrif Môn.
• Dilynwch y botwm mewngofnodi.
• Dilynwch y ddolen ‘Wedi anghofio cyfrinair’.
• Ar y sgrin nesaf, rhowch eich cyfeiriad e-bost a chyflwyno.
• Byddwch yn cael e-bost gyda dolen ailosod cyfrinair.
• Dilynwch y ddolen hon a rhowch gyfrinair newydd, cadarnhewch y cyfrinair newydd a'i gyflwyno.
• Yna byddwch yn cael eich mewngofnodi'n awtomatig i'ch cyfrif.

• Ewch i dudalen we Fy Nghyfrif Môn a mewngofnodwch i'ch cyfrif.
• Mae dolen ar hafan eich ‘Fy Nghyfrif Môn’ i ddiweddaru eich cyfrif. Mae'r ddolen yn eistedd o fewn y neges groeso sy'n rhestru rhai o'ch manylion personol.
• Gallwch chi ddiweddaru eich:
  • cyfeiriad e-bost
  • cyfrinair
  • proffil (gan gynnwys eich teitl, enw, dewisiadau iaith, rhifau ffôn, dull o gyfathrebu)
  • manylion cyswllt
  • cyfeiriad
• Ar ôl gwneud unrhyw newidiadau, arbedwch nhw trwy ddefnyddio’r botwm ‘Cyflwyno’.

Weithiau, byddwn yn gofyn i chi am fwy o wybodaeth ar ôl i chi anfon ffurflen atom trwy Fy Nghyfrif Môn.

Byddwn ond yn gwneud hyn os ydych wedi cofrestru gyda ‘Fy Nghyfrif Môn’.

Pan fyddwn yn gofyn i chi am ragor o wybodaeth, bydd gennych 15 diwrnod i ddod yn ôl atom. Os na fyddwch yn dychwelyd atom, byddwn yn cau'r achos. Byddwch yn cael e-byst atgoffa rheolaidd cyn i ni gau'r achos.

Bydd angen i chi greu cais newydd os yw'r mater yn dal i fod yn rhywbeth yr hoffech wneud cais amdano neu ofyn i ni amdano.

Sut i ateb cais am ragor o wybodaeth

• Os byddwn yn gofyn i chi am ragor o wybodaeth, byddwch yn cael e-bost oddi wrthym.
• Ar ôl darllen yr e-bost, mewngofnodwch i'ch Fy Nghyfrif Môn.
• Ewch i ‘Fy ngheisiadau’ ac o dan y pennawd ‘Statws cais’ fe welwch y gair ‘Angen gweithred’ os ydym wedi gofyn i chi am ragor o wybodaeth.
• Agorwch y cais.
• Defnyddiwch y botwm ‘Parhau’ i weld pa wybodaeth rydym wedi gofyn amdani.
• Atebwch y cais a’i anfon atom drwy ddefnyddio’r botwm ‘Cyflwyno’.
• Os bydd angen rhagor o wybodaeth arnom eto, caiff y broses ei hailadrodd.