Darllenwch y dudalen hon i gyd cyn gwneud cais.
Dyddiad cau
Y dyddiad cau yw 15 Ionawr 2027.
Bydd unrhyw gais neu newid yn y dewisiadau a gyflwynir ar ôl y dyddiad cau yn cael eu nodi fel “Hwyr”. Bydd ceisiadau a dderbynnir cyn y dyddiad cau yn cael blaenoriaeth dros geisiadau hwyr.
Pryd y byddwch yn cael penderfyniad
Byddwch yn derbyn e-bost gan Gyngor Sir Ynys Môn yn rhoi gwybod i chi am y penderfyniad ar 16 Ebrill 2027.
Os cynigir lle i’ch plentyn, nodwn, yn unol â rheoliadau Llywodraeth Cymru, nad yw derbyn plentyn i ddosbarth Meithrin yn gwarantu lle yn nosbarth y Derbyn yn yr un ysgol yn y flwyddyn academaidd ganlynol. Bydd angen cyflwyno cais newydd am fynediad i’r Dosbarth Derbyn (addysg amser llawn).
Dim gwarant
Nid yw cwblhau'r ffurflen gais yn gwarantu mynediad i unrhyw ysgol.
Dim hawl i apelio
Nid oes hawl i apelio os gwrthodir lle rhan amser i chi mewn dosbarth meithrin.
Polisi mynediad ysgolion
Cynghorwn rhieni i ddarllen Polisi Mynediad Ysgolion 2026 i 2027.
Llawlyfr gwybodaeth i rieni
Cynghorwn rhieni i ddarllen y lawlyfr 'Gwybodaeth i Rieni' a gwirio'r ardal dalgylch ysgol.
Ysgol Santes Fair ac Ysgol Caergeiliog
O fis Medi 2026 ymlaen, bydd rhieni’n gwneud cais drwy wefan yr awdurdod lleol am lefydd yn yr ysgolion hyn. Fodd bynnag, gan mai’r corff llywodraethu yw’r awdurdod mynediad yn yr ysgolion hyn, cyfrifoldeb y llywodraethwyr yw penderfynu ar dderbyn disgyblion iddynt.
Am gopi o’u polisïau mynediad, cysylltwch â’r ysgolion yn uniongyrchol.
Ysgol Santes Fair, Caergybi
Rhif ffôn: 01407 763176
Gwefan: www.ysgolsantesfair.co.uk
Ysgol Caergeiliog
Rhif ffôn: 01407 740619
Gwefan: www.ysgolcaergeiliog.cymru/en/home
Ysgolion y tu allan i Ynys Môn
Ar gyfer unrhyw ysgol y tu allan i ffin Ynys Môn, cysylltwch ag awdurdod lleol yr ysgol.
Cyfrifoldeb rhiant
Rhaid i bob person sydd â chyfrifoldeb rhiant dros eich plentyn gytuno i’r cais yma. Os nad yw pob person â chyfrifoldeb rhiant yn cytuno, neu os nad ydych yn gallu darparu copi o ddogfen gyfreithiol gan lys sy’n cadarnhau bod gennych chi gyfrifoldeb rhiant dros addysg eich plentyn, yna allwch barhau.
Gwneud cais ar-lein
Mae’r cais hwn yn berthnasol ar gyfer plant a anwyd rhwng 1 Medi 2023 a 31 Awst 2024 a fydd yn cychwyn meithrin rhan-amser ym mis Medi 2027.