Cyngor Sir Ynys Môn

Cam allweddol yn y broses o baratoi cynllun datblygu lleol yw nodi safleoedd posib ar gyfer defnyddiau tir amrywiol, gan gynnwys:

• tai
• cyflogaeth a defnyddiau eraill
• megis defnydd cymunedol a hamdden

Mae’n bwysig hefyd nodi safleoedd y mae angen eu gwarchod oherwydd eu gwerth fel tirwedd arbennig, man agored neu werth cadwraethol.

Mae’r alwad am safleoedd ymgeisiol yn agored yn awr ac mae’r cyngor yn galw ar:

• y cyhoedd
• grwpiau cymunedol
• tirfeddianwyr a datblygwyr 

i gyflwyno yn ffurfiol, safleoedd posib y gellir ystyried eu cynnwys yn y Cynllun Datblygu Lleol (CDLl) newydd.

Cyflwyno safle

Mae’n rhaid defnyddio ffurflen safonol i gyflwyno pob safle ymgeisiol.

Mae’r cyngor yn annog unrhyw un sy’n cynnig safle i gwblhau’r ffurflen ar lein.

Y dyddiad cau ar gyfer cyflwyno ffurflenni safleoedd posib wedi eu cwblhau yw 4 Awst 2025. (Mae'r dyddiad cau gwreiddiol wedi'i ymestyn am 6 wythnos.)

Mae’r ffurflen ar-lein yn casglu gwybodaeth am y safle ac mae’r sawl sy’n cynnig safle yn gallu creu a chyflwyno map sy’n dangos:

• ffiniau eu safle
• derbyn gwybodaeth am gyfyngiadau
• gweld nodiadau canllaw a
• llwytho dogfennau ategol.

Os na allwch gwblhau’r ffurflen ar-lein, cysylltwch â’r Tim Polisi Cynllunio os gwelwch yn dda fel y gallwn eich cynorthwyo gyda'ch ymholiad:

• E-bost: polisicynllunio@ynysmon.llyw.cymru
• Rhif ffôn: 01248 751 808

Canllawiau a gwybodaeth ynglŷn â’r broses

Dylid ystyried y canllawiau a’r wybodaeth ganlynol wrth gyflwyno safleoedd ymgeisiol:

Nodiadau canllaw safleoedd ymgeisiol

Canllawiau ar gwblhau pob cwestiwn ar y ffurflen a’r wybodaeth ychwanegol y dylid ei chyflwyno i gefnogi’r cais.

Map rhyngweithiol cyfyngiadau

Crëwyd y map i nodi unrhyw gyfyngiadau o ran polisïau  allweddol a safleoedd dynodedig. Bydd angen i unrhyw un sy’n cynnig safleoedd gyfeirio at y map cyfyngiadau er mwyn ateb cwestiynau perthnasol ar y Ffurflen Cyflwyno Safleoedd Ymgeisiol.

Noder na ddylid dibynnu ar y data hwn at ddibenion cyfreithiol ac efallai na fydd yn adlewyrchu’r newidiadau diweddaraf a wnaed i’r data cyfyngiadau yn y Sir. Ni all y cyngor dderbyn unrhyw gyfrifoldeb am unrhyw gamgymeriadau neu wallau a all godi.

Methodoleg asesu safleoedd ymgeisiol

Mae’n nodi’r broses, y meini prawf asesu a’r fethodoleg a ddefnyddir gan y Cyngor Sir i benderfynu p’un a allai Safleoedd Ymgeisiol fod yn addas i’w cynnwys fel Safleoedd Ymgeisiol posib yn y CDLl newydd.

Asesiad o’r effaith ar nodweddion gwarchodedig, yr iaith Gymraeg ac anfantais economaidd-gymdeithasol

Asesiad o'r effaith ar gydraddoldeb.

Ymholiadau polisi cynllunio

Defnyddiwch y ffurflen hon os oes gennych unrhyw ymholiadau ar gyfer adran Polisi Cynllunio Cyngor Sir Ynys Môn.