Arfarniad cynaliadwyedd integredig
Mae Cyngor Sîr Ynys Môn yn ymgymryd â dull integredig o ymdrin â’r arfarniad cynaliadwyedd a phrosesau eraill ar y gyfer y CDLl newydd.
Bydd yr arfarniad cynaliadwyedd Integredig yn cyfuno:
- Arfarniad cynaliadwyedd ac asesiad amgylcheddol strategol
- Asesiad o’r effaith ar gydraddoldeb
- Asesiad o’r effaith ar iechyd
- Asesiad o’r effaith ar y Gymraeg
- Nodau llesiant Lleol a Chenedlaethol
- datganiad ardal Cyfoeth Naturiol Cymru;
- dyletswydd adran 6 i gynnal a gwella bioamrywiaeth, a hyrwyddo gwydnwch ecosystemau.
Mae’r arfarniad yn ddull a ddefnyddir ar gyfer ystyried a chyfathrebu effeithiau economaidd, cymdeithasol, amgylcheddol a diwylliannol sylweddol y CDLl. Nod y broses yw sicrhau cymaint o effeithiau cadarnhaol â phosib a lliniaru’r effeithiau negyddol.
Adroddiad cwmpasu
Y cam cyntaf o’r arfarniad cynaliadwyedd integredig yw paratoi adroddiad cwmpasu.
Roedd hyn yn cynnwys:
- adolygu’r cynlluniau, polisïau a rhaglenni
- ystyried y sefyllfa o ran yr amgylchedd a’r sefyllfa gymdeithasol ac economaidd
- adnabod materion cynaliadwyedd allweddol
- nodi’r fframwaith ar gyfer yr arfarniad (cyfres o amcanion cynaliadwyedd ar gyfer asesu effaith tebygol y CDLl)
- datblygu dull arfaethedig a fydd yn cael ei ddefnyddio yng nghamau olaf yr Arfarniad yn cynnwys asesu’r safleoedd posib.
Cafodd yr adroddiad cwmpasu ei gyhoeddi fel rhan o’r ymgynghoriad a gynhaliwyd rhwng y 9 Gorffennaf 2025 a’r 13 Awst 2025.
Ewch i’r adroddiad cwmpasu - mae’r ddolen hon yn agor mewn tab newydd - bydd y ddolen yn agor tab newydd
Arfarniad cynaliadwyedd integredig o’r weledigaeth, amcanion ac opsiynau
Mae adroddiad cychwynnol ar yr arfarniad cynaliadwyedd Integredig wedi cael ei baratoi i gyd-fynd â’r ddogfen ymgynghori ar y weledigaeth, amcanion ac opsiynau. Mae’n cynnwys:
- dadansoddiad cydnawsedd o amcanion drafft y CDLl ac amcanion yr arfarniad cynaliadwyedd integredig.
- arfarniad o’r senarios tyfiant ac opsiynau gofodol.
Mae’r asesiad cychwynnol ar gyfer y Cynllun Datblygu Lleol newydd ar gael ar y dudalen hon.
Gwerthusiad cynaliadwyedd integredig ar gyfer y Cynllun Datblygu Lleol newydd: adroddiad cychwynnol - linc yn agor mewn tab newydd - bydd y ddolen yn agor tab newydd
Asesiad rheoliadau cynefinoedd
O dan y rheoliadau cynefinoedd, mae’n rhaid i’r cyngor asesu p’un a yw’r CDLl newydd yn debygol o gael effaith sylweddol ar uniondeb unrhyw safleoedd Ewropeaidd, naill ai’n unigol neu ar y cyd â chynlluniau neu brosiectau eraill. Mae’n rhaid ei chwblhau drwy gydol y broses o baratoi CDLl newydd.