Troi eich eiddo gwag yn gartref
Mae eiddo gwag yn newyddion drwg i bawb
Gall cyflwr eiddo gwag ddirywio’n sydyn a denu ymddygiad gwrthgymdeithasol - fel pobl yn gadael gwastraff yn anghyfreithlon, sgwatwyr, fandaliaid, pobl yn cymryd cyffuriau a phobl yn llosgi eiddo’n fwriadol. Mae cymdogion yn gynyddol bryderus am droseddau, a gall adeiladau hyll sydd wedi eu bordio i fyny fod yn ddolur llygad ac arwain at ostyngiad o hyd at 18% yng ngwerth y cartrefi sydd o’u cwmpas.
Mae’n bryder
Efallai eich bod yn methu cysgu am eich bod yn poeni y bydd rhywun yn torri i mewn heno.
Mae pobl angen cartrefi
Gellir troi’r eiddo’n gartref diogel i rywun sydd ei wir angen.
Os yw eich eiddo wedi bod yn wag am fwy na 6 mis, byddem yn hoffi gweithio gyda chi fel y gellir ei ailddefnyddio.
Cysylltwch gyda’r Swyddog tai Gwag heddiw am drafodaeth gychwynnol ac i gael cyngor am ddim a chymorth.
Ffoniwch: 01248 750057 a gofynnwch am y Swyddog Tai Gwag neu adroddwch eiddo gwag drwy Fy Nghyfrif Môn.
Nid oes rhaid i chi greu cyfrif i ddefnyddio platfform Fy Nghyfrif Môn, ond rydym yn argymell eich bod yn gwneud hynny. Bydd cyfrif yn caniatáu i chi reoli eich ceisiadau gwasanaeth a chyfrifon gyda ni.
Gwybodaeth bellach am Fy Nghyfrif Môn.
Efallai na fydd rhai ffeiliau yn addas os ydych yn defnyddio technoleg gynorthwyol. Os ydych angen fersiwn sy’n fwy hygyrch, anfonwch neges e-bost at
digidol@ynysmon.llyw.cymru gan nodi’r fformat sydd ei angen arnoch.