Llywodraeth Cymru - Cynllun Benthyciadau ar gyfer Gwella Tai i Berchenogion Tai
Mae’r Benthyciadau ar gyfer Gwella Tai sy’n cynnig cymorth ariannol i berchenogion tai preifat, yn cynnwys landlordiaid eiddo lle mae tenantiaid.
Mae’r cynllun a ariennir gan Lywodraeth Cymru, yn galluogi’r Cyngor i roi benthyciadau di-log i berchenogion eiddo sydd angen eu hatgyweirio neu eu huwchraddio er mwyn eu gwneud yn gynnes, yn saff ac yn ddiogel.
Mae’r cynllun wedi ei dargedu at bobl sy’n cwrdd â meini prawf fforddiadwyedd y cynllun ond a fydd efallai’n cael eu cyfyngu rhag cael at ffynonellau eraill o gyllid. Mae gwybodaeth bellach ar gael yn y daflen ar y Cynllun isod.
I gael eich ystyried ar gyfer y Cynllun, a fyddech cystal a llenwi Ffurflen Mynegi Diddordeb os gwelwch yn dda.
Fel arall, i gael gwybodaeth bellach ac i drafod y cynlluniau sydd gennych ar gyfer yr eiddo yn fanylach, cysylltwch gyda’r Tîm Tai Gwag ar 01248 752301 neu drwy anfon e-bost i swyddogtaigwag@ynysmon.llyw.cymru
Sylwer fod y benthyciad yn ddewisol ac nad oes modd rhoi sicrwydd y caniateir benthyciad hyd oni fydd yr ymgeisydd wedi derbyn rhybudd cymeradwyo swyddogol.
Cymhwysedd
- Bydd y benthyciad a phob dyled sy’n cael ei sicrhau yn erbyn yr eiddo yn cael ei ystyried.
- Rhaid i’r cyfanswm benthyca (benthyciad a ofynnir gan Gyngor Sir Ynys Môn + morgais neu fenthyciadau eraill) beidio â bod yn fwy na 80% o werth marchnad yr eiddo.
- Er enghraifft: os yw’ch eiddo yn werth £100,000 ac mae’ch morgais yn £75,000, y benthyciad ychwanegol uchaf fyddai £5,000.
- Bydd Parity Trust a Lendology yn cynnal asesiad fforddiadwyedd i sicrhau bod y benthyciad yn fforddiadwy i chi.
Llog
Benthyciad yn ddi-log
Ffi weinyddol
£500. Gellir ei ychwanegu at swm y benthyciad neu ei dalu ymlaen llaw
Diogelwch
Bydd y benthyciad yn cael ei sicrhau fel codiad cyntaf neu ail godiad yn erbyn Teitl Cofrestrfa Tir.
Telerau ad-dalu
Cytunir fesul achos unigol
Benthyciad lleiaf
£1,000
Benthyciad uchaf
£15,000 fesul eiddo
Dyddiad terfyn ad-dalu
Rhaid ad-dalu pob benthyciad erbyn Mawrth 2030
Os nad yw’r benthyciad yn cwmpasu cost lawn y gwaith, bydd angen tystiolaeth o gyllid digonol i sicrhau bod y cynllun yn hyfyw
- Bydd unrhyw waith a wneir cyn cymeradwyaeth ar eich cyfrifoldeb eich hun
- Mewn amgylchiadau eithriadol, ac yn ôl disgresiwn Pennaeth Gwasanaethau Tai, gall y cyngor gynnig:
- Benthyciad cynyddiad gwerth eiddo
- Benthyciad hyd oes (cymwys lle mae ymgeiswyr yn methu’r asesiad ariannol ond mae angen gwelliannau i wneud y cartref yn “ddiogel, cynnes ac yn ddiogel”)
Efallai na fydd y ffeil yn addas os ydych yn defnyddio technoleg gynorthwyol. Os ydych angen fersiwn sy’n fwy hygyrch, anfonwch neges e-bost at
digidol@ynysmon.llyw.cymru gan nodi’r fformat sydd ei angen arnoch.