Rhybudd dwyrain Afon Menai 25 Medi 2026
Manylion y rhybudd
Rhif: 05/2026
Cyhoeddwyd gan: Harbwrfeistr
Dyddiad cyhoeddi: 25 Medi 2026
Y cymhorthydd mordwyo
Rhoddir hysbysiad drwy hyn nad yw'r Cymhorthydd Mordwyo Arbennig Melyn (heb olau) yn safle 53°18.562'N 003°59.216'W ar ei safle ar hyn o bryd.
Cyngor i forwyr
Cynghorir morwyr i fordwyo gyda gofal yng nghyffiniau'r safle ac i gadw gwyliadwriaeth briodol bob amser.
Diweddariadau pellach
Cyhoeddir hysbysiad pellach pan fydd y cymhorthydd mordwyo wedi'i ddychwelyd i'w safle dynodedig.
Bydd yr hysbysiad hwn yn parhau mewn grym hyd nes y caiff ei ganslo neu ei ddiwygio fel arall.
Manylion cyswllt
Am ragor o wybodaeth, e-bostiwch: morwrolmaritime@ynysmon.llyw.cymru
Gwaith trwsio i rwydwaith carthffos disgyrchiant Menai Ville/ardal Faelog, Porthaethwy
Rhoddir hysbysiad y bydd gwaith morwrol trwyddedig yn mynd rhagddo yn Menai Ville/ardal Faelog, Porthaethwy mewn perthynas â thrwsio rhwydwaith carthffos disgyrchiant. Mae’r gwaith hwn wedi’i awdurdodi dan Drwydded Forwrol CML2614.
Natur y gwaith
Mae’r gwaith yn cynnwys trwsio rhannau o’r system garthffos drwy osod leininau strwythurol mewnol yn y pibellau rhwng sawl twll caead. Bydd tyrau sgaffold dros dro yn cael eu codi dros y tyllau caead penodol hynny, a bydd cerbydau trwm, offer codi a cherbydau cymorth cysylltiedig yn gweithio yn yr ardal.
Lleoliad
Bydd y gwaith yn digwydd yn Menai Ville a Faelog, Porthaethwy, yn yr ardal drwyddedig a ddangosir ar y darluniad gwaith sydd wedi ei gymeradwyo. Mae’r gwaith morwrol yn effeithio’n bennaf ar y blaen traeth a’r ardal rhwng y llanw sydd rhwng Menai Ville a Siambr Sgrin Fecanyddol Faelog.
Dyddiadau'r gwaith
Dyddiad Cychwyn: 19 Awst 2026
Fel arfer bydd y gwaith yn cael ei wneud yn ystod cyfnodau llanw addas ac yn ystod golau dydd.
Bydd yr hysbysiad hwn mewn grym tan 2:30pm ar 1 Hydref 2026 oni bai y caiff ei ddiweddaru.
Mordwyo
Cynghorir morwyr: Efallai y bydd personél, strwythurau sgaffold dros dro ac offer adeiladu’n bresennol yn yr ardal waith. Efallai y bydd mynediad i’r ardaloedd rhwng y llanw wedi’i gyfyngu yn ystod y gwaith. Ni ddisgwylir y bydd y gwaith yn effeithio’n sylweddol ar forwriaeth ar Y Fenai; fodd bynnag, dylai morwyr gymryd pwyll yn yr ardal. Dylid parhau i gadw golwg manwl o’r hyn o’ch cwmpas bob amser.
Dylid lleihau tonnau llongau cymaint â phosibl wrth fynd heibio'r ardal waith.
Gofynnir i bob defnyddiwr, gan gynnwys defnyddwyr cychod padlo, o'r dyfroedd gerllaw'r ardal waith, fod yn ofalus a chadw'n glir o unrhyw weithrediadau gwaith.
Rhagor o wybodaeth
Contractwr: Alun Griffiths (Contractors) Limited Trwydded Forol: CML2614
Bydd yr hysbysiad hwn mewn grym tan 2:30pm ar 1 Hydref 2026 oni bai y caiff ei ddiweddaru.
Rhybudd Amlwch a dwyrain Afon Menai 4 Ebrill 2026
Rhif: 02 /2026
Cyhoeddwyd gan yr harbwr feistr ar 4 Ebrill 2026
Rhoddir hybys yma fod yr Asiantaeth Forol a Gwylwyr y Glannau (MCA) wedi cyhoeddi Nodyn Canllawiau Morol MGN 715 (M+F). Mae’r ddogfen hon yn cynnwys arferion gorau ar gyfer gweithredu’n ddiogel ac yn barchus rhwng gwahanol ddefnyddwyr y dŵr mewn mannau a rennir.
Mae nifer ac amrywiaeth y defnyddwyr yn ein dyfroedd lleol wedi cynyddu’n sylweddol dros y blynyddoedd diwethaf — gan gynnwys cychod hamdden, llongau masnachol, cerbydau dŵr personol, chwaraeon padlo, grwpiau nofio, a llongau ymreolaethol neu bell-weithredol. Gall y gymysgedd hon greu risgiau mordwyo ychwanegol, yn enwedig mewn ardaloedd cyfyng neu brysur.
Nod MGN 715 yw:
- Hysbysu defnyddwyr llai profiadol am eu cyfrifoldebau; a
- Atgoffa defnyddwyr mwy profiadol o’u cyfrifoldebau, yn enwedig pan fydd gwahanol weithgareddau’n gorgyffwrdd.
Argymhellir i ddefnyddwyr y dŵr i ymgyfarwyddo â’r canllawiau sy’n ymwneud â:
- Mordwyo a chadw gwyliadwriaeth – gan gynnwys cyfrifoldebau o dan COLREGs ac unrhyw is-ddeddfau neu gyfarwyddiadau lleol y porthladd.
- Cyfathrebu effeithiol rhwng pob math o ddefnyddwyr.
- Rhannu’r gofod morol yn ddiogel ac yn barchus – gan gynnwys bod yn ymwybodol o’ch amgylchedd, rheoli cyflymder, ac osgoi gwneud unrhyw beth a all beri perygl neu ofn i ddefnyddwyr eraill.
Gellir gweld y ddogfen lawn ar wefan yr MCA.
Bydd yr Hysbys hwn yn aros yn ei le tan 31 Rhagfyr 2026, oni bai ei ddiweddarer.
Cais am drwydded forol i osod teils ‘Living Sea Walls’/cynefinoedd morol ym Mhorth Amlwch
Hysbysir drwy hyn, yn unol â Rhan 4, Pennod 1, Adran 68, Deddf y Môr a Mynediad i’r Arfordir 2009, fod Cyngor Sir Ynys Mônwedi cyflwyno cais i Cyfoeth Naturiol Cymru, sy’n gweithredu ar ran yr Awdurdod Trwyddedu, am drwydded forol ar gyfer gosod teils ‘Living Sea Walls’/cynefin morol ym Mhorth Amlwch.
Gallwch weld y dogfennau cais yn rhad ac am ddim, o'n cofrestr gyhoeddus ar-lein. Gallwch chwilio am y dogfennau gan ddefnyddio'r cyfeirnod cais CML2459.
Dylid cyflwyno sylwadau neu wrthwynebiadau ysgrifenedig parthed y cais hwn i’r Gyfoeth Naturiol Cymru, Tîm Trwyddedu Morol, Swyddfeydd Llywodraeth Cymru, Parc Cathays, Rhodfa’r Brenin Edward VII, Caerdydd, CF10 3NQ, neu yrru e-bost at marinelicensing@cyfoethnaturiolcymru.gov.uk o fewn 28 diwrnod o ddyddiad y rhybudd hwn, gan ddyfynnu cyfeirnod: CML2459.
Yn eich sylw/gwrthwynebiad dylech gynnwys cyfeiriad e-bost neu gyfeiriad post llawn y gellir anfon gohebiaeth iddo.
Byddwch yn ymwybodol y bydd sylwadau a dderbynnir yn cael eu rhannu â'r ymgeisydd a gall y byddant ar gael i'r cyhoedd ar ôl golygu manylion personol, yn unol â'r Rheoliad Cyffredinol ar Ddiogelu Data.
Am ragor o wybodaeth: morwrolmaritime@ynysmon.llyw.cymru