Cefndir
Mae llywodraeth y DU wedi rhoi arian i Gymru i helpu pobl ar incwm isel sy'n cael trafferth gyda chostau ynni uchel a achosir gan y gwrthdaro yn y Dwyrain Canol.
Mae Llywodraeth Cymru wedi penderfynu sut y bydd yr arian yn cael ei ddefnyddio. Bydd pob aelwyd sy'n cael cymorth trwy'r Cynllun Gostyngiadau’r Dreth Gyngor ac yn defnyddio olew gwresogi neu LPG yn derbyn £200.
Sut i ymgeisio
Bydd Cyngor Sir Ynys Môn yn anfon llythyr atoch yn eich gwahodd i wneud cais, os ydych chi'n derbyn gostyngiad yn y Dreth Gyngor ac yn debygol o ddefnyddio olew gwresogi neu LPG.
I dderbyn y taliad, bydd rhaid:
- cadarnhau'r math o system wresogi rydych chi'n ei defnyddio (bil olew gwresogi neu LPG sydd wedi'i ddyddio o fewn y 12 mis diwethaf)
- darparu eich manylion manc er mwyn talu’r arian i chi’n uniongyrchol (copi o'ch datganiad banc sydd wedi'i ddyddio o fewn y 6 mis diwethaf)
Gallwch hefyd wneud cais dros y ffôn ar 01248 750 057.
Dyddiad cau
Bydd y cynllun hwn yn cau ar 30 Medi.
Sut i ddefnyddio’r arian
Bydd y taliad yn cael ei roi fel arian parod (wedi'i dalu i gyfrif banc) lle bo'n bosibl, fel y gall pobl ddewis sut i'w ddefnyddio.
Gall aelwydydd cymwys ddewis i ba gyfrif banc y telir yr arian.
