Cyngor Sir Ynys Môn

Mae Cronfa’r Degwm yn gronfa elusennol annibynnol.

Sefydlwyd Cronfa’r Degwm gydag arian ag asedau yn deillio o ddatgysylltu Eglwys Loegr yng Nghymru. Rhannwyd yr asedau hyn yn deg ymhlith y cyn gynghorau sir yng Nghymru, ac yna cawsant eu rhannu ymhellach rhwng yr awdurdodau unedol yng Nghymru wrth eu ffurfio ym 1996. 

Mae Cyngor Sir Ynys Môn wedi sefydlu ymddiriedolaeth i reoli’r gronfa ar Ynys Môn. Mae pwyllgor yn y cyngor, sy’n dwyn yr enw 'Y Pwyllgor Gwaith', yn gweithredu fel yr unig ymddiriedolwr. 

Faint o arian sydd ar gael

Bydd ceisiadau hyd at uchafswm o £2,500 yn cael eu hystyried.

Pwy all ymgeisio

Gall grwpiau, clybiau a sefydliadau ar Ynys Môn ymgeisio am arian i’w helpu gyda phrosiectau gwahanol.

Gellir defnyddio’r gronfa ar gyfer pethau megis:

• cefnogi celfyddydau a llenyddiaeth Gymreig
• sefydliadau sy’n helpu pobl sy’n wynebu trafferthion ariannol, ond heb ddarparu benthyciadau neu grantiau ar gyfer yr unigolion hynny
• cefnogi gweithgareddau crefyddol
• sefydliadau sy’n darparu cymorth i bobl sy’n wynebu salwch
• sefydliadau sy’n helpu i gefnogi pobl hŷn sy’n byw yn ein cymunedau
• gweithgareddau cymdeithasol a hamdden ar Ynys Môn
• prosiectau’n ymwneud â hanes, adeiladau, gwyddoniaeth neu natur sy’n berthnasol i Ynys Môn
• ymchwil feddygol neu gymdeithasol
• sefydliadau sy’n cefnogi pobl sy’n ddall neu pobl ag amhariad ar y golwg

Gallwch ddysgu mwy am sut y gellir defnyddio'r gronfa yn yr atodiad ar y dudalen hon.

Pwy sydd ddim yn gymwys i ymgeisio

Fel rheol, ni fyddwch yn derbyn grant os:

• rydych eisoes wedi derbyn cymorth gan adran arall o’r cyngor
• rydych eisoes wedi cael arian o’r gronfa hon yn ystod yr un flwyddyn ariannol
• rydych yn unigolyn
• mae eich prosiect ar gyfer plaid wleidyddol

Sut ydyn ni’n dod i benderfyniad

Unwaith fydd y dyddiad ar gyfer ceisiadau wedi cau, bydd bob cais yn cael ei asesu gan ddeilydd portffolio Cyngor Sir Ynys Môn ar gyfer:

• cyllid, busnes corfforaethol a phrofiad cwmser
• addysg a’r iaith Gymraeg

Ar gyfer 2026, mae’r Pwyllgor Gwaith wedi cytuno mai £25,000 fydd ar gael ac mai’r uchafswm grant a ddyfernir fydd £2,500.

Sut i ymgeisio

Rhaid i chi lenwi’r ffurflen ymgeisio ar-lein.

Efallai y byddwn yn gofyn i chi am fwy o wybodaeth cyn gwneud penderfyniad.

Weithiau, gallwn ond rhoi’r grant i chi ar ôl i chi ddangos tystiolaeth, fel derbyniadau neu anfonebau.

Gallwch gael rhagor o wybodaeth am y canllawiau a'r amodau ar gyfer y gronfa yn yr atodiad ar y dudalen hon.

Dyddiadau cau

Mae ceisiadau’n cau ar 12 Mehefin 2026.

Dylech gael gwybod os yw eich cais wedi bod yn llwyddiannus cyn pen deufis ar ôl y dyddiad cau.

Beth fydd yn digwydd nesaf

Os byddwch yn llwyddiannus

Byddwch yn derbyn llythyr yn dweud wrthych fod y grant wedi ei gymeradwyo.

Telir yr arian drwy drosglwyddiad banc BACS.

Rhaid dangos datganiad banc neu slip talu-i-mewn yn enw’ch sefydliad.

Os byddwch yn derbyn arian, rhaid crybwyll cymorth gan Gyngor Sir Ynys Môn mewn unrhyw ddeunydd cyhoeddus y byddwch yn ei greu.

Mae Cyngor Sir Ynys Môn hefyd yn annog sefydliadau i ddarparu gwasanaethau’n Gymraeg a Saesneg.

Os na fyddwch yn llwyddiannus

Byddwch yn derbyn neges e-bost neu lythyr.

Ni allwch apelio’r penderfyniad.