Mae'r grant hwn bellach wedi cau

Diolch yn fawr am eich diddordeb yng ngrantiau bach cyfalaf gofal plant 2024 i 2025. Mae’r broses ceisiadau nawr wedi cau. 

Beth sy'n digwydd nesaf

Os yr ydych wedi gwneud cais, byddwn mewn cysylltiad a chwi mor fuan ag y bo modd.

Yn dilyn y broses adolygu ceisiadau, byddwn wedi hynny yn penderfynu os bydd cyfle i ail-agor y broses ceisio am y grant unwaith yn rhagor.

Byddwn yn cysylltu gyda’r sector drwy ebost a’r sefydliadau ymbarél os mai dyma fydd yr achos.

Gwybodaeth wreiddiol

Cynllun Grantiau Bach 2024 i 2025

Mae Llywodraeth Cymru wedi cyhoeddi’r amodau ar gyfer arian grantiau bach cyfalaf 2024 i 2025. 

Mae'r cyngor, sy'n defnyddio'r systemau sydd ganddo eisoes ar waith, yn gweinyddu'r Cynllun Grantiau Bach Gofal Plant a'r Blynyddoedd Cynnar (y cyfeirir ati yma wedi hyn fel 'y Grant') ar ran Is-adran Gofal Plant a Chwarae Blynyddoedd Cynnar, Llywodraeth Cymru. 

Wrth ystyried cais, bydd angen i'r cyngor sicrhau bod yr ymgeisydd yn gymwys ac yn bodloni'r meini prawf.

Cymhwysedd 

• Allu dangos bod galw heb ei ddiwallu am ofal plant. Mae hyn yn cynnwys gwarchodwyr plant, darparwyr yn y sector preifat a'r sector gwirfoddol, lleoliadau sy'n cynnig gofal dydd llawn, gofal cofleidiol, cynlluniau chwarae yn ystod y gwyliau, clybiau gofal plant y tu allan i oriau ysgol, ac ati
• Allu dangos budd y buddsoddiad i'r lleoliad a'r plant
• Bod yn barod i ymrwymo i gynnig gofal plant am bum mlynedd o leiaf o'r dyddiad y caiff y taliad grant olaf ei wneud a chydnabod, os bydd yn rhoi'r gorau i gynnig lleoedd gofal plant neu'n derbyn plant sy'n talu ffi breifat yn lle plant sy'n cael gofal plant a ariennir gan Lywodraeth Cymru fel mater o drefn, y bydd yn rhaid iddo ad-dalu'r holl gyllid grant a dalwyd, neu rywfaint ohono. Bydd y swm i'w ad-dalu yn amrywio yn dibynnu ar yr amgylchiadau
• Gallu dangos sicrwydd daliadaeth am o leiaf 5 mlynedd. Lle bo llai na 5 mlynedd ar ôl ar y les, gellir ystyried ceisiadau lle gall y darparwr ddangos bod ymrwymiad neu fwriad clir gan y landlord i adnewyddu’r les
• Cydnabod y buddsoddiad y mae wedi’i dderbyn mewn unrhyw ddeunydd hyrwyddo a roddir i rieni
• Bod wedi'i gofrestru ag Arolygiaeth Gofal Cymru (AGC) neu, yn achos darparwyr newydd, rhoi ymgymeriad ysgrifenedig y bydd yn cofrestru ag AGC cyn gynted â phosibl. Os na fydd lleoliad wedi cofrestru o fewn chwe mis i ddefnyddio'r grant, gall yr Awdurdod Lleol gymryd camau i adennill yr arian
• Yn gweithredu Y Cynnig Gofal

Yr hyn y gellir ei ariannu

Byddem yn disgwyl mai’r uchafswm sydd ar gael i unrhyw un lleoliad mewn unrhyw flwyddyn ariannol benodol fydd:

• Gwarchodwyr plant: £10,000
• Darparwyr gofal plant sydd wedi'u cofrestru i gynnig 15 o leoedd neu lai: £10,000
• Darparwyr gofal plant sydd wedi'u cofrestru i gynnig rhwng 16 a 29 o leoedd: £15,000
• Darparwyr gofal plant sydd wedi'u cofrestru i ddarparu 30 neu fwy o leoedd: £20,000 

Canllawiau ar gyfer ceisiadau grant 

Gellir cynnig cyllid ar gyfer amryw waith cyfalaf, er enghraifft:

• gwaith adnewyddu cyffredinol, gan gynnwys paentio, gosod carpedi newydd, ac ati
• gwella'r cyfleusterau chwarae yn yr awyr agored, fel gosod arwyneb chwarae newydd yn yr awyr agored, cysgodfeydd neu ganopi fel y gellir chwarae a dysgu ym mhob tywydd
• trwsio gosodiadau a ffitiadau fel toiledau, cyfleusterau cegin (meithrinfeydd, cylchoedd meithrin a chlybiau ar ôl ysgol/gwyliau yn unig), ffenestri, drysau, ac ati, neu osod rhai newydd yn eu lle (bydd rhaid dangos tystiolaeth fod yr adnoddau gwreiddiol wedi malu / dim yn gweithio unai drwy luniau neu fidio)
• prynu cyfarpar/dodrefn/teganau newydd yn lle rhai a allai beri risg i iechyd a diogelwch, er enghraifft ffrâm ddringo yn yr awyr agored sydd wedi rhydu, dodrefn sydd wedi torri neu dreulio, a allai achosi fflawiau; neu fwrdd newid cewynnau blêr ac sydd wedi'i ddefnyddio'n helaeth, na ellir ei lanhau'n hylan mwyach
• cyfarpar TG ar yr amod y gellir dangos yn glir y caiff ei ddefnyddio i helpu'r lleoliad i ddarparu cynnig mwy digidol i rieni (hynny yw galluogi lleoliad i e-bostio adroddiadau) a chefnogi datblygiad y plant. Gallai hyn gynnwys gliniaduron, tabledi, argraffyddion, ac ati
• darparu cyfarpar/dodrefn pwrpasol a fydd yn galluogi'r darparwr i gynnig lle i blentyn ag anghenion dysgu ychwanegol
• cyfrannu at brynu cerbyd a fyddai'n cael ei ddefnyddio i gludo plant rhwng lleoliadau gofal plant ac addysg. Nid yw costau lesio na chostau rhedeg fel yswiriant, petrol, gwasanaethu, ac ati, yn gymwys gyda’r grant. Os bydd problemau yn codi o fewn 5 mlynedd o brynnu’r cerbyd, mae’r gost am drwsho yn gyfrifoldeb arnoch chi neu bydd disgwyl i chwi ad-dalu’r grant yn llawn. Rhaid sicrhau y canlynol neu ni fyddwch yn gymws:
  • Rhaid prynu'r cerbyd gan werthwr/modurdy ag enw da
  • Rhaid i chi brynnu gwarant ychwanegol am flwyddyn i’r cerbyd
  • Rhaid gwneud yn siwr fod ganddoch arian wrth gefn ar gyfer y costau ychwanegol fel ‘MOT’, ‘service’, treth, yswiriant, cynnal a chadw cyfredinol cerbyd (teiars ac ati)
• cyfarpar/addasiadau i sicrhau y gall gwasanaethau weithredu mewn modd sy'n ddiogel rhag COVID-19 ac i gefnogi adferiad y sector, er enghraifft:
• • cyfleusterau golchi dwylo ychwanegol
  • gwelliannau i ardaloedd mewnol, gan gynnwys ffenestri/systemau awyru ychwanegol, parwydydd a chyfleusterau storio
  • addasiadau eraill i wella mynediad a llif, er enghraifft mynedfeydd ychwanegol a/neu ad-drefnu ystafelloedd/ardaloedd mewnol
  • monitorau CO2

Gwneud cais

Gallwch wneud cais am y grant hwn gan ddefnyddio ein ffurflen ar-lein.

Y dyddiad cau ar gyfer ceisiadau yw 16 Medi 2024.

Mae'r ddolen i'r ffurflen gais ar-lein wedi'i dileu oherwydd bod y grant wedi cau.

Telerau ac amodau

Gwnewch yn siŵr eich bod yn darllen y telerau ac amodau ar gyfer y cynnig grant (mae'r ddolen hon yn agor tab newydd).