Cyngor Sir Ynys Môn

Gwyliau banc

Nid yw oriau agor Canolfan Ailgylchu Gwastraff Cartref Gwalchmai yn cael eu heffeithio ar wyliau banc ac eithrio:

• Dydd Nadolig
• Gŵyl San Steffan
• Dydd Calan

Beth allwch chi ei ailgylchu

Gallwch ailgylchu pob math o wastraff domestig megis:

• gwastraff gardd
• dillad a thecstiliau
• poteli plastig
• paent
• cetris inc argraffydd
• pren a choed
• poteli gwydr a jariau
• cartonau
• cemegau cartref a gardd (wedi eu labelu yn glir)
• batris
• papur a chardbord
• oergelloedd a rhewgelloedd, teclynau bach/mawr, teledai a monitrau
• tiniau bwyd a chaniau diod, metel sgrap
• dodrefn
• gwastraff y cartref na ellir ei ailgylchu

Derbynnir nifer cyfyngedig o’r deunyddiau canlynol:

• pridd, rwbel, gwastraff DIY
• batris car
• teiars
• asbestos (Derbynnir symiau bach mewn bagiau wedi eu selio)
• poteli nwy
• olew peiriant

Yr hyn na allwch ei ailgylchu

Nid yw’r canolfannau yn derbyn y canlynol:

• chwyn gwenwynig a boncyffion coed mawr
• deunyddiau ffrwydrol
• hylifau tra fflamadwy e.e petrol
• symiau mawr o wastraff adeiladu, adnewyddiad neu DIY

Gwastraff busnes

Ni dderbynnir gwastraff busnes yn y canolfannau ailgylchu. Nid ydym yn drwyddedig i gymryd unrhyw fath o wastraff busnes. Mae masnachwyr yn torri’r gyfraith os ydynt yn cael gwared o wastraff yn y safleoedd hyn.

Os bydd unrhywun yn dod â gwastraff y cartref i’r safleoedd hyn mewn cerbyd masnachol efallai bydd gofyn iddynt ei ddatgan fel gwastraff y cartref. Dylech baratoi i gael eich sbwriel wedi ei archwilio i sicrhau nad gwastraff busnes ydyw.

Os ydych angen mwy o wybodaeth, ffoniwch yr Adain Rheoli Gwastraff os gwelwch yn dda ar (01248) 750 057.

• Bydd yn rhaid i bob cerbyd fod yn ddim hirach na 5 metr na’n uwch na 2.1 metr yn cynnwys unrhyw osodiadau ychwanegol.
• Os credwch fod angen trwydded ar gyfer eich cerbyd/trelar cysylltwch â Thîm Rheoli Gwastraff Cyngor Sir Ynys Môn ar (01248) 750 057 neu ewch i dudalen we.

Byddwch angen caniatâd i ymweld â CAD gyda’r cerbydau canlynol:

• ‘pickup’
• fan fechan
• fan fechan ar gyfer cludo nwyddau (o fath ‘transit’)
• minibws bychan neu gar preifat gyda threlar o faint canolig rhwng 1.8m a 3m o hyd
• cerbyd gydag arwydd arno

Bydd yn rhaid i bob cerbyd fod yn ddim hirach na 5m na’n uwch na 2.1m yn cynnwys unrhyw osodiadau ychwanegol.

Os oes angen unrhyw wybodaeth bellach gweler y Cynllun Caniatâd ar gyfer Canolfannau Ailgylchu  Domestig

Am holl fathau o drelars bach o fath domestig:

• ni all y trelar fod yn hirach na 1.8 metr o hyd
• rhaid i’r cerbyd sy’n tynnu’r trelar fod yn gar safonol o fath domestig. Os yw’r cerbyd sy’n tynnu’r trelar yn gerbyd masnachol o dan ddiffiniad ffurfiol y cyngor, ni fyddwch yn cael mynediad i’r safle

Os oes angen unrhyw wybodaeth bellach gweler y Cynllun Caniatâd ar gyfer Canolfannau Ailgylchu Domestig.

• Mae'n debygol y bydd ciwiau yn y ganolfan ailgylchu oherwydd cyfyngiadau ar nifer y bobl sy'n cael mynd i mewn ar y tro ac arolygon pellach
• Ni fyddwch yn cael mynd i mewn i'r safle heb gyfeirnod archebu dilys neu os ydych yn methu cwrdd â’r meini prawf mynediad a nodir uchod
• Cadwch at y system rheoli traffig a'r arwyddion cyfarwyddiadau os gwelwch yn dda
• Byddwch yn amyneddgar a pharchwch y staff sy'n gweithio yn y ganolfan bob amser os gwelwch yn dda

Ni chaniateir i ddeiliaid cartrefi ddod ar y safle i gael gwared ar eu gwastraff os nad ydynt yn cadw at y canllawiau defnydd sydd mewn lle.

Mae’r ganolfan wedi’i lleoli ar yr A5, tu allan i Walchmai, ar ochr Caergybi o’r pentref. Gellir ei gyrraedd o’r A55 (Cyffordd 5).

Y côd post yw LL65 4PW.

Oes.

Byddwn yn gwirio eich rhif cofrestru yn erbyn y cofrestriad. 

Caniateir un ymweliad i bob cartref er mwyn gwneud yn siŵr bod cynifer o gartrefi â phosibl yn cael cyfle i gael gwared ar eu gwastraff.

Yn anffodus, os byddwch yn methu eich apwyntiad, bydd yn rhaid i chi wneud cais arall am le ar gyfer diwrnod arall.

Ceisiwch gyrraedd yn brydlon, er mwyn osgoi ciwiau.

Bydd gennych 10 munud ar y safle i wagio eich car o eitemau ailgylchu/gwastraff. Sicrhewch eich bod yn gorffen dadlwytho eich gwastraff o fewn yr amser hwn.

Rydym yn argymell yn gryf eich bod yn trefnu eich gwastraff cyn dod, er mwyn sicrhau eich bod yn gallu dadlwytho o fewn eich slot 10 munud.

Ie, o fewn rheswm.

Oes, gwnewch hyn cyn dod os gwelwch yn dda.