Pwrpas
Mae Cyngor Sir Ynys Môn yn ail ymgynghori ar lwybrau teithio llesol gyda’r nod o wella’r amgylchedd cerdded a beicio i drigolion ac ymwelwyr ym Menllech ac wedi ystyried yr adborth adeiliadol derbyniwyd yn ystod yr ymgynghoriad cychwynnol yn 2023.
Pwrpas yr ymgynghoriad yw ceisio cael eich barn ar y cynigion diwygiedig.
Cefndir
Defnyddiwyd yr adborth a gafwyd yn ystod yr ymgynghoriad cychwynnol i fireinio’r gwelliannau arfaethedig ac rydym wedi ystyried y pryderon a godwyd.
Y prif newidiadau ers yr ymgynghoriad blaenorol
Cynnig gwreiddiol yn 2023
Roedd darparu system unffordd o’r Sgwâr, ar hyd Ffordd y Traeth i Bay View, wedi codi pryderon ynghylch hyd y gwyriad traffig i drigolion Ffordd Y Traeth a Ffordd Cynlas, a byddai’n creu effaith negyddol ar symudiadau dyddiol.
Ein cynnig newydd
Leihau’r system unffordd i gyd-fynd â’r system unffordd beilot sydd wedi bod ar waith dros fisoedd yr haf. Cynigir i’r system unffordd ddechrau y tu hwnt i gyffordd Ffordd Cynlas hyd at fynedfa safle Dŵr Cymru, gyda llwybr aml ddefnydd ar hyd y promenâd.
Cynnig gwreiddiol yn 2023
Pryderon ynghylch 'rhedeg llygod mawr' posibl trwy Ystad Craig Y Don i osgoi'r system unffordd a gynigiwyd o'r Sgwâr i Graig Y Don / Tyddyn Fadog.
Ein cynnig newydd
Estynnwyd y system unffordd a'r llwybr defnydd a rennir o'r Sgwâr, ar hyd y B5108, i Lôn Pant Y Cudyn i gael gwared ar y risg o 'redeg llygod mawr', yn ogystal â sefydlu baeau parcio cyfochrog ar y stryd i gael mynediad i Ysgol Goronwy Owen, ac ail-gyflunio cyffordd Lôn Pant Y Cudyn.
Cynnig gwreiddiol yn 2023
Cydnabuwyd y risgiau diogelwch y ffordd yn y Sgwâr a chafwyd argymhellion i gynnal ymchwil bellach er mwyn sefydlu amgylchedd ffordd fwy diogel i bob defnyddiwr, gan gynnwys cyfleusterau croesi gwell i gerddwyr allu croesi’r A5025.
Ein cynnig newydd
Cyflwyno croesfan cerddwyr newydd â signalau i gysylltu’r maes parcio cyhoeddus â’r archfarchnad a symud y groesfan â signalau bresennol yn nes at y Sgwâr. Cynigiwyd system unffordd ar gyfer cerbydau i mewn i’r B5108 yn unig er mwyn lleihau rhywfaint o bwysau traffig yn y Sgwâr.
Dweud eich dweud
Rhowch eich adborth i ni ar y cynllun diwygiedig.
Ewch i'r arolwg ar-lein
Bydd yr ymgynghoriad hwn yn dod i ben ar 25 Mawrth 2026.
Sesiwn wyneb yn wyneb
Bydd cyfle i chi hefyd ymuno â ni i ddweud eich dweud yn yr ymgynghoriad wyneb yn wyneb a gynhelir yn Neuadd Goffa Goronwy Owen, Benllech LL74 8SF ar Ddydd Mercher 11 Mawrth 2026 3pm i 6.30pm.
Beth sy'n digwydd nesaf
Byddwn yn dadansoddi pob ymateb i’r arolwg, ac, yn amodol ar gefnogaeth y gymuned, byddwn yn anelu at sicrhau cyllid grant allanol ar gyfer y cam adeiladu yn ddiweddarach eleni.
Gellir trefnu copïau papur o’r arolwg ar gyfer y rhai hynny nad ydynt yn gallu cael mynediad at y deunyddiau ymgysylltu ar-lein.
Ffôn: 01248 752 300
E-bost: TeithioLlesol@ynysmon.llyw.cymru