Mae Parth Atal Ffliw Adar (AIPZ) yn dod i rym ar 30 Ionawr 2025.
Parthau rheoli ffliw adar
Achosion cyfredol o ffliw adar a’r mesurau rheoli
Dilynwch y dolenni am gyngor ar y cyfyngiadau sy’n effeithio pob achos o ffliw adar.
Defnyddiwch fap rhyngweithiol yr Asiantaeth Iechyd Anifeiliaid a Phlanhigion i ganfod os yw eich safle chi o fewn un o’r parthau hyn.
Mae’r risg i iechyd y cyhoedd o’r feirws yn isel iawn. Mae cig wedi ei goginio’n iawn a chynnyrch fel wyau yn saff i’w bwyta.
Sut i adrodd am achosion
Peidiwch a chyffwrdd na chodi unrhyw adar sâl neu farw ond rhowch wybod i Defra.
Diweddariadau
Adnabod y risg ddiweddaraf i'ch dofednod a'ch adar anwes a'r camau y mae'n ofynnol i chi eu cymryd.
Diweddariad diweddaraf gan Lywodraeth Cymru - bydd y ddolen yn agor tab newydd
Arwyddion clinigol
Efallai y bydd yr arwyddion clinigol a ganlyn yn bresennol:
- pen wedi chwyddo
- afliwiad glas ar y gwddf
- colli’r awydd i fwyta
- trafferthion anadlu megis: pig ar agor, peswch/tisian, gyrglo
- dolur rhydd
- dodwy llai o wyau
- mwy o farwolaethau
Cofrestru dofednod ac adar hela
Dylech gofrestru eich dofednod, hyd yn oes os ydynt yn cael eu cadw fel anifeiliaid anwes, fel y gall yr Asiantaeth Anifeiliaid a Phlanhigion gysylltu â chi yn ystod achos o ffliw adar. Mae hyn yn ofyn cyfreithiol os oes gennych 50 neu fwy o adar.
Mae dofednod yn cynnwys ieir, hwyaid, tyrcïod, gwyddau, colomennod, soflieir, ieir gini a ffesantod.
Dofednod (gan gynnwys adar hela): rheolau a ffurflenni cofrestru
Cyngor bioddiogelwch
Anogir pob ceidwad adar i gynnal lefelau bioddiogelwch uchel; pa un ai ydych yn cadw ychydig o adar anwes, neu os oes gennych haid fasnachol fawr.
Mesurau i sicrhau lefelau uchel o fioddiogelwch i bob ceidwad dofednod
- Sicrhau nad yw'r ardaloedd lle mae'r adar yn cael eu cadw yn ddeniadol i adar gwyllt, er enghraifft, drwy osod netin dros byllau dŵr a'r ardaloedd cyfagos, a thrwy gael gwared ar ffynonellau bwyd a allai ddenu adar gwyllt.
- Bwydo a dyfrio'ch heidiau mewn ardaloedd caeedig rhag denu adar gwyllt.
- Sicrhau bod cyn lleied o fynd a dod â phosibl o fannau caeedig lle cedwir adar.
- Glanhau a diheintio esgidiau, defnyddio dipiau traed cyn mynd i mewn i ardaloedd caeedig dofednod, a chadw ardaloedd lle mae adar yn byw yn lân ac yn daclus.
- Os yw'r haint wedi cyrraedd eisoes, ei leihau drwy lanhau a diheintio ardaloedd concrit, a thrwy godi ffensys o amgylch ardaloedd gwlyb neu gorsiog.
- Cadw hwyaid a gwyddau domestig ar wahân i ddofednod eraill.
- Ni ddylid symud adar hela gwyllt sy'n cael eu dal yn ystod y tymor agored am o leiaf 21 diwrnod, yn ddarostyngedig i amodau yn y datganiad.
- Sicrhau bod cofnodion yn cael eu cadw yn unol â'r amodau yn y datganiad. Cwblhau'r rhestr wirio hunanasesu bioddiogelwch gorfodol o fewn 7 diwrnod. Er mwyn helpu i gadw adar yn rhydd rhag clefydau, rydym wedi creu dwy restr wirio hunanasesu bioddiogelwch ar gyfer ceidwaid dofednod masnachol a cheidwaid heidiau bach o ddofednod.
- Os yw pobl yn cadw mwy na 500 o adar, bydd gofyn iddyn nhw gymryd camau bioddiogelwch ychwanegol hefyd, gan gynnwys cyfyngu ar fynediad i bobl nad yw’n hanfodol eu bod yn dod i gysylltiad â’r adar, newid dillad neu esgidiau cyn mynd i fannau caeedig lle cedwir adar, a glanhau a diheintio cerbydau.