Cyngor Sir Ynys Môn

Cyn i chi ddechrau gwneud cais am drwydded triniaeth arbennig fel ymarferwr neu gymeradwyaeth ar gyfer eich eiddo busnes neu’ch cerbyd, mae’n rhaid i chi sicrhau bod gennych chi a’ch bod chi’n gallu cyflwyno tystiolaeth o’r dogfennau canlynol.

1.Dogfen adnabod i brofi’ch enw llawn a’ch dyddiad geni (mae’n rhaid i bob ymgeisydd fod yn 18 oed neu’n hŷn). Dogfennau derbyniol:

• Pasbort neu drwydded yrru ddilys.
• Cerdyn ID gyda llun o’r rhestr canlynol :

• • trwydded preswylio biometrig,
  • cerdyn ID Lluoedd Arfog EF,
  • cerdyn ID gwladolyn AEE;
  • cerdyn Pasbort Gwyddelig,
  • visa neu drwydded waith.

2. Llun lliw diweddar o’r ymgeisydd

3. Tystysgrif Datgeliad Sylfaenol dilys (wedi’i chael o fewn 3 mis i’r dyddiad ymgeisio).

4. Dyfarniad lefel 2 rheoledig mewn Atal a Rheoli Haint ar gyfer Triniaethau Arbennig (dyfarniad a gaiff ei reoleiddio gan Gymwysterau Cymru).

5. Ffi gwneud cais am Drwydded Triniaeth Arbennig (ar gyfer ymarferwyr unigol). Mwy o wybodaeth o dan y pennawd ffioedd.

Ar gyfer thystysgrif gymeradwyo eiddo/cerbyd busnes, mae’n rhaid i chi ddarparu’r dogfennau canlynol neu gopi dilys o’r dogfennau canlynol (mae’n rhaid i’r dogfennau gwreiddiol fod ar gael i’w harchwilio yn ystod ymweliad y swyddog) a’r ffi.

1. Dogfen hunaniaeth i brofi enw llawn a dyddiad geni (mae’n rhaid i bob ymgeisydd fod yn 18 oed neu’n hŷn). Dogfennau derbyniol:

• Pasbort neu drwydded yrru ddilys.
• Cerdyn ID gyda llun o’r rhestr canlynol:

• • trwydded preswylio biometrig,
  • cerdyn ID Lluoedd Arfog EF,
  • cerdyn ID gwladolyn AEE;
  • cerdyn Pasbort Gwyddelig,
  • visa neu drwydded waith.

2. Llun lliw diweddar ohonoch .

3. Dyfarniad lefel 2 rheoledig mewn Atal a Rheoli Haint ar gyfer Triniaethau Arbennig (dyfarniad a gaiff ei reoleiddio gan Gymwysterau Cymru).

4. Cynlluniau o’r eiddo neu’r cerbyd

5. Llun lliw diweddar o’r cerbyd

6. Ffi gwneud cais am Dystysgrif Cymeradwyo Eiddo. Mwy o wybodaeth o dan y pennawd ffioedd.

Mae’n rhaid i’ch cais gynnwys y ffi ymgeisio briodol – ni fydd ceisiadau’n cael eu hystyried heb daliad.

Dyma’r ffioedd:

Ffi i’w dalu wrth ymgeisio

Yn dilyn cais ac asesiad llwyddiannus i wirio eich bod chi’n cwrdd ag amodau’r Rheoliadau, byddwch yn gorfod talu ffi cydymffurfio.

Cyfnod y drwydded

Bydd y dystysgrif safle cymeradwy’n para am 3 blynedd o ddyddiad cyflwyno’r drwydded.

Rwyf wedi cofrestru gyda Cyngor Sir Ynys Mon yn barod, a oes angen i mi wneud cais?

Os ydych eisoes wedi cofrestru gyda’r Awdurdod hwn ar gyfer eich eiddo/cerbyd i gynnal aciwbigo, tyllu’r corff, electrolysis neu datŵio, byddwch yn cael trwydded drosiannol. Bydd hyn yn eich galluogi i weithredu tra byddwch yn cyflwyno’ch cais. Nid yw’n golygu eich bod wedi’ch trwyddedu/cymeradwyo.

Beth fydd yn digwydd pan fydd Cyngor Sir Ynys Mon yn derbyn fy nghais?

Bydd y cais yn cael ei wirio I sicrhau fod y cais yn gyflawn. Os oes unrhyw beth ar goll, byddwn yn cysylltu â chi i gael rhagor o wybodaeth. Bydd methu â darparu’r holl wybodaeth angenrheidiol gyda’ch cais yn arwain at wrthod eich cais (cyfeiriwch at y rhestr wirio ar y ffurflen gais).

Pan fydd cais boddhaol wedi’i dderbyn, bydd swyddog yn cysylltu â chi i wneud apwyntiad i ymweld â’ch eiddo/cerbyd. Bydd yr ymweliad yn ystyried y canlynol:

• eich dyletswyddau fel deiliad tystysgrif o dan Ran 4 o’r Ddeddf,
• yr amodau trwyddedu gorfodol, a
• goblygiadau peidio â chydymffurfio â’r amodau trwyddedu gorfodol.

Ar ddiwedd yr ymweliad, bydd y swyddog yn trafod unrhyw gamau pellach a all fod yn ofynnol cyn y gellir cymeradwyo eich cais.

Os caiff eich cais ei gymeradwyo, bydd eich enw a manylion eich tystysgrif cymeradwyo yn cael eu cyhoeddi ar y Cofrestr Triniaethau Arbenig.