Cyngor Sir Ynys Môn

Amcan bris:

• rhent: £5,500 + TAW y Flwyddyn
• ar gael o fis Mawrth 2026

Nodweddion:

• gofod masnachol o fewn adeilad Neuadd y Farchnad ar ei newydd wedd
• gall fod yn addas ar gyfer amrywiaeth o ddefnyddiau (yn amodol ar ganiatâd statudol)
• rhan o raglen adnewyddu gwerth miliynau o bunnoedd
• lleoliad yng Nghanol y Dref
• Neuadd y Farchnad i ddarparu cartref newydd ar gyfer Llyfrgell Caergybi, casgliadau hanes lleol yr Ynys a mannau newydd ar gyfer dysgu, hyfforddi a gweithgaredd cymunedol

Disgrifiad:

Cyfle unigryw i brydlesu gofod masnachol o fewn Neuadd y Farchnad, Caergybi. Bydd y gofod wedi’i lleoli ar y llawr gwaelod, yn agos at y brif fynedfa a fydd yn arwain yn uniongyrchol i'r llyfrgell a busnesau eraill sy'n meddiannu'r adeilad.

Mae cyflwr Neuadd y Farchnad wedi dirywio dros gyfnod o ddeng mlynedd a mwy. Mae’r Neuadd newydd gael ei hatgyweirio a’i huwchraddio ar gyfer ei defnyddio i ddibenion newydd gan olygu y bydd defnydd cynaliadwy yn cael ei wneud o’r adeilad yn y pen draw. Mae’r prosiect yn sicrhau dyfodol cynaliadwy, sy’n parchu ac yn dathlu treftadaeth y Neuadd. Mae’r adeilad yn gartref newydd i Lyfrgell Caergybi a chasgliadau hanes lleol yr Ynys, arddangosfeydd sy’n dehongli hanes Caergybi gyda chyfleoedd i sicrhau lleoliadau newydd ar gyfer dysgu, hyfforddiant a gweithgareddau cymunedol.

Telerau’r brydles:

• brydles warchodedig 3 blynedd (Deddf Landlord a Thenant 1954)
• rhent misol yn daladwy ymlaen llaw
• tenant yn gyfrifol am gynnal a chadw mewnol
• ffi paratoi prydles: £633.37 + TAW (cyfrifoldeb y tenant)
• blaendal diogelwch sy'n cyfateb i chwe mis o rent (a gadwir o dan weithred blaendal; ar wahân i'r taliad rhent cychwynnol)

Gwneud cais:

Mae'r uned ar gael i'w gosod, yn amodol ar gais llwyddiannus, a fydd yn cynnwys darparu cyfeirnod banc, dau gyfeirnod masnach, cynllun busnes a gwiriad cyfeirnod credyd.

Gweld yr eiddo a datganiadau o ddiddordeb:

Ymweliadau drwy apwyntiad yn unig. Dylai partïon sydd am fynegi diddordeb yn yr eiddo hwn wneud hynny drwy gysylltu ag Adain Eiddo’r Cyngor dros y ffôn ar 01248 752241 / 752245 neu drwy anfon ebost i YmholiadauEiddo@ynysmon.gov.uk

Nodyn pwysig:

1. Nid yw'r manylion hyn yn rhan o unrhyw gynnig na chontract.
2. Mae'r holl ddisgrifiadau, ffotograffau a chynlluniau ar gyfer arweiniad yn unig ac ni ddylid dibynnu arnynt fel datganiadau neu gynrychioliadau o ffaith. Mae'r holl ardaloedd, mesuriadau neu bellteroedd yn rhai bras. Mae'r testun, y ffotograffau a'r cynlluniau ar gyfer arweiniad yn unig ac nid ydynt o reidrwydd yn gynhwysfawr. Rhaid i unrhyw ddarpar brynwr fodloni ei hun ar gywirdeb y wybodaeth yn y manylion trwy archwiliad neu fel arall. Ni ddylid cymryd yn ganiataol bod gan yr eiddo'r holl hawliau cynllunio, rheoliadau adeiladu neu gydsyniadau eraill angenrheidiol. Nid yw Cyngor Sir Ynys Môn (“CSYM”) wedi profi unrhyw gyfarpar, offer, gosodiadau, ffitiadau na gwasanaethau ac nid ydynt wedi gwirio eu bod yn gweithio'n iawn, yn addas at eu diben, nac o fewn perchnogaeth y Cyngor.
3. Nid yw CSYM yn derbyn cyfrifoldeb am unrhyw gostau darpar brynwyr wrth archwilio eiddo sydd wedi'u gwerthu, eu gosod neu eu tynnu'n ôl.
4. Oni ddywedir yn wahanol, nid yw'r prisiau a'r rhenti a ddyfynnir yn cynnwys TAW. Yn amodol ar gontract.
5. Os oes unrhyw beth o bwys arbennig i chi, cysylltwch ag Adain Eiddo CSYM a byddwn yn ceisio gwirio'r wybodaeth ar eich rhan.